ကျွန်တော့်ရင်တွင်းဖြစ် (၁၀)

"End of the Day"

တစ်ချိန်ကငါဟာနေတစ်စင်း
မင်းဟာငါ့လမင်းပေါ့ ... .။

နေမင်းရဲ့ကာရန်နဲ့ အပြင်းစားငါ့ရင်ခုန်သံတွေ
မင်းအတွက်ဆူညံစေခဲ့တယ် ...။

တစ်ချိန်ကငါဟာပုစ္ဆာတစ်ပုဒ်
မင်းဟာငါ့ရဲ့အဖြေတစ်ခုပေါ့ ....။

ရှုပ်ထွေးလှတဲ့ကိန်းဂဏန်းတွေနဲ့ မင်းမသိခဲ့တဲ့ငါ့သီအိုရီတွေ
မင်းအတွက် စိတ်ပျက်စေခဲ့မယ် ...။

အခုငါသိလိုက်ပြီ ...။
ကာရန်တွေကကဗျာမဟုတ်ခဲ့မှန်း
ငါရင်ခုန်ခဲ့ခြင်းဟာငါ့ကိုယ်ငါ ပူလောင်စေဖို့
ရှင်းထုတ်လို့မရတဲ့ ပုစ္ဆာမှာ အချစ်ဆိုတာ ကိန်းသေတန်ဖိုးတစ်ခု

မညီမျှခြင်းတွေကိုကြိုးစားဖြေရှင်းရင်း
နောက်ဆုံးတော့
ငါမျှော်လင့်ခဲ့တဲ့လေပြေဟာအိမ်မက်တစ်ခုအဖြစ်ပျောက်ကွယ်သွားသလို ...
ငါပျော်ရွှင်ခဲ့တဲ့ အိမ်မက်တွေလည်းလေပြေနဲ့အတူလွင့်ပြယ်သွားခဲ့တယ် ...။

ဘယ်သူမှနားမလည်နိုင်တဲ့စကားလုံးတစ်ချို့ကို ကောင်းကင်ပြာကြီးကိုပြောပြလိုက်တယ် ...။
ပင်လယ်ပြင်ကြီးကငါ့စကားလုံးတွေကိုလှောင်သလိုပြုံးပြီးကြည့်နေတယ် ...။

အားလုံးကိုလစ်လျူရှုပြီး တောင်တန်းတွေနောက်ကိုငါပြေးဝင်ခဲ့တယ် ...။
ဒါကိုနေ၀င်ချိန်လို့လူတွေကပြောကြတယ် .။
တစ်ချို့ ကလည်းဆည်းဆာလို့ဆိုကြပြန်တယ် ..။
မနက်ဖြန်ကိုရင်ဆိုင်ဖို့ ငါ့ကိုခဏလောက်တော့အိပ်စက်ခွင့်ပြုပါ ..။

ကျွန်တော့်ရင်တွင်းဖြစ် (၉)

FOR HER

မျှော်လင့်ခြင်းတစ်ခုပျက်သုန်းတဲ့အခါ ....
အကြိမ်ကြိမ်ရှုံးနိမ့်ခဲ့သူမှန်း အခုမှသိတော့တယ် ..။

အဆိပ်အတောက်ဖြစ်သွားတဲ့ ငါ့ချစ်ခြင်းတွေ
အမှိုက်တစဖြစ်ခဲ့လို့မီးရှို့ ခံရတာပဲ ...။

အကြိမ်ကြိမ်လဲပြိုခဲ့တဲ့ ငါ့အိမ်မက်တွေကို
အကြိမ်ကြိမ်ပြန်တည်ဆောက်ဖို့ ငါကြိုးစားခဲ့ဖူးတာပဲ ...။

နောက်ဆုံးတော့လည်းနှုတ်ဆက်ခြင်းသာအဖတ်တင်ခဲ့တယ် ..။
ဝမ်းမနည်းတော့ပါဘူး ။
တစ်စစီဖြစ်နေတဲ့ငါ့နှလုံးသား မကြာခင်သေဆုံးရမယ်ဆိုတာ
ငါသိနှင့်ပြီးသားပါ ..။

မျက်ရည်တွေမလိုချင်ပါဘူး ..။ အပြုံးတွေဝေနေတာကိုပဲမြင်ချင်တယ် ...။

နောက်လှည့်မကြည့်ပါနဲ့ ..။
နားမလည်နိုင်တဲ့ဘာသာစကားတစ်ချို့ကို ကြားနေပေမယ့်မင်းသိမှာမဟုတ်ပါဘူး ..။

မင်းယုံကြည်တဲ့အမှန်တရားအတွက်
ထပ်တူမညီခဲ့တဲ့ချစ်ခြင်းတွေအတွက်
မင်းရွေးချယ်တဲ့လမ်းက မင်းအတွက်အမှန်ဆုံးဖြစ်ပါလိမ့်မယ် ...။

ကျွန်တော့်ရင်တွင်းဖြစ်(၈)

"Lesson of Love"

ငါယုံကြည်ချက်တွေဘယ်ဆီရောက်သွားလဲ ?
မျှော်လင့်ချက်တွေေ၀၀ါးသွားတယ်
ပြန်မလာပါနဲ့
ငါမမျှော်လင့်တော့ဘူး
မျှော်လင့်ချက်မနက်ဖြန်တွေအားလုံးငါ့အတွက်မရှိတော့ဘူး
ပေးဆပ်ခဲ့သမျှအားလုံးရှုံးသွားတယ်ကွာ
ငါ့အိမ်မက်မနက်ဖြန်တွေအားလုံးမင်းဖျက်စီးပစ်လိုက်တယ်
စကားလုံးတွေနဲ့ပါ ။.....။

အပြုံးမပါတဲ့နှုတ်ဆက်ခြင်းမျိူးနဲ့
သူနဲ့အဝေးဆုံးကိုငါပြေးထွက်ခဲ့တယ်
ယောက်ျားတစ်ယောက်ရဲ့မာနကိုနင်းခြေနိုင်ခဲ့တဲ့မင်း အောင်နိုင်သူတစ်ယောက်ရဲ့အပြုံးမျိူးနဲ့ဂုဏ်ယူနေလိုက်စမ်းပါ
ငါ့အပေါ်မယုံကြည်ခဲ့တဲ့မင်းအပေါ်
ထားခဲ့မိတဲ့ငါ့ရဲ့သစ္စာတရားတွေကို မီးရှို့ လိုက်ပြီ
ကျိုးပဲ့သွားတဲ့အိမ်မက်အပိုင်းအစတွေကို
ဘယ်တော့မှပြန်ဆက်တော့ဘူး သင်ခန်းစာတစ်ခုအဖြစ်နဲ့အမြဲအမှတ်ရနေအောင်ဘောင်ခတ်ပြီးဧည့်ခန်းနံရံမှာချိတ်ထားမယ်။

ကျွန်တော့်ရင်တွင်းဖြစ်(၇)

"Sometime"


တစ်ခါတစ်ရံ၌
အေးမြခြင်းအားလိုချင်မိသည် ...။
တစ်ခါတစ်ရံ၌
ပူလောင်ခြင်းအားနှစ်သက်မိသည် ...။
တစ်ခါတစ်ရံ၌
နွေးထွေးခြင်းအားတောင့်တမိသည် ...။
တစ်ခါတစ်ရံ၌
ငိုကြွေးခြင်းအားအမှတ်ရမိသည် ...။
တစ်ခါတစ်ရံ၌
ပြည့်စုံခြင်းအားလိုလားမိသည် ...။
တစ်ခါတစ်ရံ၌
အိမ်မက်ခြင်းအားလက်တွေ့ဖြစ်ချင်မိသည် ...။
တစ်ခါတစ်ရံ၌
စိတ်ကူးယဉ်မှုအား အမှန်တကယ်ထင်မှတ်လိုသည် ...။
တစ်ခါတစ်ရံ၌
မျှော်လင့်ခြင်းအား ဘ၀တစ်ခုအဖြစ်မြင်ယောင်မိသည် ...။
တစ်ခါတစ်ရံ၌
လရောင်အားမြတ်နိုးမိသော်လည်း ဆည်းဆာချိန်အားနှမြောတသဖြစ်မိသည်...။
တစ်ခါတစ်ရံ၌
နေမင်းအားမြင်တွေ့လိုသော်လည်း အာရုံဦးအားရင်ဆိုင်ရန်ကြောက်ရွံ့ နေမိပြန်သည် ...။

ကျွန်တော့်ရင်တွင်းဖြစ်(၆)

Space of Mind

ရင်ခုန်သံများအား
သံစဉ်မဲ့သောသီချင်းတစ်ပုဒ်အဖြစ်ဆိုညဉ်းနေရင်း

အတွေးတို့အား
ကာရံမဲ့သောကဗျာတစ်ပုဒ်အဖြစ်စီးဆင်းနေရင်း

အိမ်မက်တို့အား
ကာလာမဲ့ပန်းချီကားတစ်ချပ်အဖြစ်ပုံဖေါ်ကြည့်ရင်း
လေဟာနယ်ထဲမှာ
ကျွန်တော်လမ်းလျှောက်သင်နေခိုက်
နှလုံသားကိုအမှတ်တမဲ့ဝင်တိုက်သွားတယ်

ကောင်မလေးရယ်
မင်းကတော့အမှတ်မထင်ပါ
ဒါပေမယ့် စွဲကျန်ရစ်သူရင်ခွင်ကို မင်းမြင်နိုင်ပါ့မလား

ငါဆိုညဉ်းနေတဲ့သီချင်းတွေကိုရော
မင်းကြားနိုင်ပါ့မလား
ငါ့အတွေးထဲကကဗျာတွေကိုရော
မင်းခံစားတတ်ပါ့မလား
ငါရေးထားတဲ့ ပန်းချီးကားတွေကိုရော
မင်းတန်ဖိုးထားပါ့မလား

အကြိမ်ကြိမ်ပြန်ထဖို့ကြိုးစားခဲ့ပေမယ့်
ငါအခုအချိန်ထိလဲကျနေတုန်းပဲ

ကျွန်တော့်ရင်တွင်းဖြစ်(၅)

"Although"

ချစ်တတ်ပါသည်
သို့သော်
အရှုံးပေးခြင်းမျိူးမဟုတ်ပါ ။

လွမ်းတတ်ပါသည် ။
သို့သော်
ဆွေးမြေ့ခြင်းမျိူးမဟုတ်ပါ ။

ငိုတတ်ပါသည်
သို့သော်
မျက်ရည်ကျခြင်းမျိူးမဟုတ်ပါ ။

မျှော်လင့်တတ်ပါသည် ။
သို့သော်
ပိုင်ဆိုင်လိုခြင်းမျိူးမဟုတ်ပါ ။

ကျွန်တော့်ရင်တွင်းဖြစ်(၄)

" ကျွန်တော့်၏ ဆည်းဆာ (သို့မဟုတ်) သူမ၏ အာရုံဦး "

သူမ မသိပါ ....
ကျွန်တော်သူ့ကိုဘယ်လောက်ချစ်သည်ဆိုတာကို
သူမ သိသည်မှာ
သူကျွန်တော့်ကိုဘယ်လောက်ချစ်သည်ဆိုတာ

သူမ မသိပါ....
ကျွန်တော်သူ့အပေါ်ဘယ်လောက်ထိနားလည်ပေးခဲ့တယ်ဆိုတာကို
သူမ သိသည်မှာ
သူကျွန်တော့်အပေါ်ဘယ်လောက်ထိနားလည်ခဲ့တယ်ဆိုတာ

သူမ မသိပါ ......
သူမနှင့်ပတ်သက်သည့်ကျွန်တော့်အိမ်မက်များအကြောင်း
သူမ သိသည်မှာ
ကျွန်တော်နှင့်ပတ်သက်သည့်သူမ၏အိမ်မက်များအကြောင်းသာ....

တစ်ချိန်ကကျွန်တော်သည်လည်းထိုနည်းတူစွာမသိခဲ့ပါ ....

မသိခဲ့ခြင်းများစွာဖြင့်ကျွန်တော်တို့နှစ်ဦးသည်
လက်ချင်းချိ်တ် ကျောချင်းကပ်ကာ
နာရီပေါင်းများစွာရပ်တည်ခဲ့ဖူးသည် ။

သို့အတွက်ကြောင့်
ကျွန်တော့်၏ဆည်းဆာသည် သူမ၏အာရုဏ်ဦး....
ကျွန်တော့်၏အာရုဏ်ဦးသည် သူမဆည်းဆာဖြစ်ခဲ့ရလေသည်။

ကျွန်တော့်ရင်တွင်းဖြစ်(၃)

မသိခဲ့ခြင်း

လုံးဝမထင်မှတ်ခဲ့ပါ ......။
အရာရာကိုလက်မြှောက်အရှုံးပေးခဲ့ရလိမ့်မယ်လို့ ....။
အကြိမ်ကြိမ်ဆုတောင်းခဲ့မိတာက
ဒါတွေအားလုံးအိမ်မက်တစ်ခုဖြစ်ပါစေလို့ .....။
ငါမသိချင်ယောင်ဆောင်ခဲ့တဲ့
မင်းရဲ့ငိုရှိုက်သံတွေရဲ့အကြောင်း
ပဲ့တင်ပြန်လာတဲ့ ငါပြောခဲ့တဲ့ငါ့စကားလုံးတွေ
အခုငါပြန်ကြားနေတယ် ....။
တကယ်တော့
ငါပစ်လိုက်တဲ့ မြှားက
ငါ့ရင်ဝကိုပြန်ပြီးစူးနစ်ဝင်ရောက်နေမှန်း
ငါအရင်ကငုံ့မကြည့်ခဲ့မိဘူး ....။

ကျွန်တော့်ရင်တွင်းဖြစ်(၂)

Unless .......... If...................

ငါမျှော်လင့်ထားခဲ့သော
ငါ့အိမ်မက်များအား
ငါဆွတ်ယူစားသုံးခွင့်မရှိတော့တဲ့အခါ ....။
ငါယုံကြည်ထားခဲ့သော
ငါ့အနာဂတ်များအား
ငါမပိုင်ဆိုင်နိုင်တော့မှန်းသိလိုက်တဲ့အခါ ...။
ငါလိုချင်ခဲ့မိသော
ငါ့ချစ်သူ၏အနမ်းများအား
ငါမရရှိနိုင်တော့မှန်းသိလိုက်တဲ့အခါ ..။

အကယ်၍
ထိုသူသည်ငါမဟုတ်
.............. သင်သာဆိုလျှင် ..............

ကျွန်တော့်ရင်တွင်းဖြစ်(၁)

Untitle

ကျွန်တော့်ဆီမှာ သူ့အတွက် သူမမြင်နိုင်တဲ့
ကျွန်တော့်ရဲ့ချစ်ခြင်းမေတ္တာတွေရှိတယ် ။

ကျွန်တော်ဆီမှာ သူ့ အတွက် သူမမြင်နိုင်တဲ့
ခွင့်လွှတ်နားလည်ခြင်းတွေရှိတယ် ။

ကျွန်တော်ဆီမှာ သူ့အတွက် သူမမြင်နိုင်တဲ့ ......

ခံစားချက်တစ်ချို့ ကို
ဒိုင်ယာရီစာမျက်နှာတွေအဖြစ်ဖန်တီးခဲ့ဖူးတယ် .....။
ဝမ်းနည်းခြင်းမှတ်တမ်းများကို
မျက်ရည် အဖြစ်နဲ့ရွာချစေခဲ့ဖူးတယ် ......။
သတိရခြင်းတစ်ချို့ ကို
မျှော်လင့်ခြင်းများဖြင့် ဖြေသိမ့်ခဲ့ဖူးတယ် .......။
ကြင်နာယုယလိုမှုတွေကိုလည်း
မျိူသိပ်ခြင်းအဖြစ်ပြောင်းလဲခဲ့ရတယ် ........။

ဒါတွေဟာစိတ်ပျက်အားငယ်စရာတော့မဟုတ်ပါဘူး .....။
မျှော်လင့်နေဆဲပါ ......။
ကျွန်တော်ယုံကြည်ထားတဲ့
အိမ်မက်တစ်ခုတကယ်လက်တွေ့ဖြစ်လာလိမ့်မယ်လို့ ......။
နှစ်ဦးသားရင်ထဲက
နားလည်မှုတွေ မျှခြေတစ်ခုခုကိုရောက်လာတဲ့အခါဆိုရင်ပေါ့.....။
အိမ်မက်ဆိုတဲ့အရာတစ်ခုကို
...........အကောင်အထည်ဖော်ဖို့ကြိုးစားတဲ့အခါ ..........
အရာရာကိုယုံကြည်ထားဖို့လိုအပ်တယ် .....။