UCSY Student

နှုတ်ဆက်ခြင်း

2007-10-07T02:55:00.001+06:30

နိုင်ငံရေး အခြေအနေ များကြောင့် မြန်မာနိုင်ငံ အစိုးရက blogger.com ကို ဘန်းလိုက်ပြီဖြစ်ပါသည် ..။ ထို့ကြောင့် ကျွန်တော် သည်လည်း ဘလော့ဂ် ရေးခြင်းအား နှုတ်ထွက်စာမတင်ပဲ အလိုလျောက် အနား ရသွားပြီ ဖြစ်ပါသည် ..။ တစ်ချိန်ပြန်ဖွင့်ပေးပါကပြန်ရေးပါဦးမည် ..။သူများမိုးခါးရေသောက်ချိန်တွင် ကျွန်တော် သည်လည်း မိုးခါးရေ သောက်ရမည်ဖြစ်သည် .။ ကွန်ပျူတာကျောင်းသား ၊ သူရိယအလင်္ကာ စသော ခေါင်းစဉ် အမျိူးမျိူးဖြင့် ပြောင်းလဲ ရေးသားခဲ့သော ကျွန်တော့်၏ဘလော့ဂ် မညီးမညူ အားပေးခဲ့သော သူငယ်ချင်း မိတ်ဆွေများအား အထူးပင်ကျေးဇူးတင်ရှိပါသည် ..။ ကဗျာရသ များအား ကူညီခံစား ပေးခဲ့သူများအားလည်း ကျေးဇူးတင်ပါသည် ..။ ဘလော့ဂ်ရေးခြင်းမှ အနားယူခဲ့ရသော်လည်း အငြိမ်မနေတတ်သော အကျင့်ကြောင့် ဆက်လက် လှုပ်ရှားသွားပါဦးမည် ..။ တစ်ခါတစ်ရံ၌ ကဗျာဆရာ တစ်ဦးမဟုတ်သော်လည်း ကဗျာရေးသူ တစ်ယောက် အနေဖြင့် planet တွင်လည်းကောင်း ....။ ဖိုရမ်မာ တစ်ယောက်အနေဖြင့် မြန်မာ့ကွန်ပျူတာ ဖော်ရမ် http://www.mysteryzilion.com/forum ၌တွင်လည်းကောင်း ကွန်ပျူတာ ကျောင်းသား တစ်ယောက် အနေဖြင့် ကျွန်ုပ်၏ Home page ဖြစ်သော http://ucsystudent.mysteryzillion.com ၌ သော်လည်းကောင်း ရပ်တည်နေဦးမည် ဖြစ်ပါသည် ..။ မနက်ဖြန်သည် မသေချာသောကြောင့် မနေ့က အကြောင်းများအားမေ့ပစ်ပြီး ပစ္စုပ္ပန်၌သာဆက်လက်နေထိုင်သွားမည်ဖြစ်ပြီး ယခင်ကဲ့သို့ပင် လူအမြင် ကပ်စရာကောင်း လောက်အောင် ခင်မင်သူများအားလည်း အကွက်ကျကျ နောက်ပြောင် ကျီစယ်နေဦးမည် ဖြစ်ကြောင်း ကျွန်ုပ်ဘလော့အားဖတ်ခွင့်ရသော (သို့တည်းမဟုတ်) မရမက ကြိုးစား လာရောက် အားပေး ကြသော သူငယ်ချင်း မိတ်ဆွေ များအား အသိပေး အကြောင်းကြား အပ်ပါသည် .။ ယခင်အသုံးပြုခဲ့သော thuyaaungster@gmail.com ကိုပင် ဆက်လက် အသုံးပြုလျက်ရှိပါသည် ။ ထို့ကြောင့် ဆက်သွယ်လိုသော
သူငယ်ချင်းများ ၄င်းလိပ်စာသို့သာ ဆက်သွယ်ပါရန် နှင့် အချိ်န်မှီ အကြောင်းမပြန်နိုင်ပါက မြန်မာနိုင်ငံ၏ အင်တာနက် ကော်နက်ရှင် ကြောင့်သာဖြစ်ပြီး ကျွန်ုပ်၌ ချို့ယွင်းချက် တစ်စုံတစ်ရာ (လုံးဝလုံးဝ) မရှိပါကြောင်း ကြိုတင် အသိပေးအပ်ပါသည် .။

စကားချပ် ။ ...။ ကွန်ပျူတာ ကိုစိတ်ဝင်စားသောလူငယ်များ ၊ ကွန်ပျူတာကျောင်းသားကျောင်းသူများနှင့် ကွန်ပျူတာ နှင့် ဆက်နွယ် လုပ်ကိုင်နေသော ပညာရှင်များအား ရည်ညွှန်းပါသည် .ကွန်ပျူတာ နှင့် သက်ဆိုင်ရာ အဓိပ္ပါယ်ဖွင့်ဆိုချက်များ ၊ history များနှင့် နည်းပညာများနှင့် အခြား အခက်အခဲ များအား ဆွေးနွေးနိုင်ရန် အတွက် http://www.mysteryzillion.com အားတည်ဆောက် ထားပြီးဖြစ်ပါသည် ..။ ထို့ကြောင့် မိမိတို့၏ အခက်အခဲများနှင့် အခြား ဗဟုသုတများ ဝေငှရန်အလို့ငှာ MZ forum သို့ လာရောက် လည်ပတ်စေလိုပါသည် .။
ထို့အပြင် ကွန်ပျူတာ နှင့် ပတ်သက်သော အရာများအား web-based အဘိဓါန်အဖြစ် MZ wiki ကိုလည်း တည်ဆောက်လျက်ရှိပါသည် .။ ထို့ကြောင့် စိတ်ပါ ၀င်စားသူများ နှင့် အခြား အခြားသော အသိပညာ နှင့် ဗဟုသုတ များအား တစ်စုတစ်စည်း တည်း ဖြစ်စေရန် အတွက် နှင့် ၀ိုင်းဝန်း ကူညီပေး စေလိုပါသည် ..။

2007-09-23T01:21:00.000+06:30

လုပ်မယ် သာပြောသည် .. အခုတလော ဘာမှမယ်မယ်ရရ သိပ်မလုပ်ဖြစ်သေး ...။ စလုံးရေးတာ တော်တော် ကြာပြီ အခုထိတော့ စမဖြစ်သေး .။ သို့ပေမယ့် စလုံးက သူငယ်ချင်းနဲ့တော့ တိုင်ပင်ထားသည်. ..။ဘစ်ကား ပေါ်က အမှတ်မထင် စာသားလေးကို သတိရ၍ ဖောက်သည်ချဦးမည် ..။အချိန်ရှိတိုင်းတွေးပါ .. တွေးရင်း အချိ်န် မကုန်ပါစေနှင့် ...။ အကြံပေါ်လျှင် ချက်ချင်း ထလုပ်ပါဟူ၏ ....။ ထိုအထဲကအတိုင်း ကျွန်တော် တွေးကြည့်သည် ..။ ကျွန်တော်တို့သည် ကွန်ပျူတာနယ်ပယ် ဆီသို့ ခြေဦးတည်ထားပြီ ဖြစ်သည် ..။ သို့သော် ကွန်ပျူတာ နှင့် သိပ်အကျွမ်း တ၀င်မရှိလှသေး ..။ အတွေ့ အကြုံအားဖြင့် နုနယ်လှသေး၏။ ကျွန်တော်တို့ ဆည်းပူး လေ့လာရန်များစွာ ကျန်ရှိနေသေးသည် ..။ သို့သော် ဆည်းပူးရင်း နှင့်လည်း အချိန်ကုန်၍ မဖြစ်သေး ။ အကောင်အထည် ဖေါ်ရဦးမည်ဖြစ်သည် ..။ကျွန်တော်ကွန်ပျူတာဆိုတာဘာလဲသိပါ၏ ။ သို့သော် ထိုအသိ သည် ကျွန်တော်နှင့် ရင်းနှီးကျွမ်းဝင်နေသော ပတ်ဝန်းကျင် ၌သာအသုံးတည့်၍ ကွန်ပျူတာ ဖြစ်သော်လည်း ကျွန်တော် မထိတွေ့ဖူးသည်မှာ များစွာရှိသေး၏ ..။ မှတ်မှတ်ရရလွန်ခဲ့သည့် နေ့က ကျွန်တော့်အလုပ်ထဲ နိုင်ငံခြား သားတစ်ဦး သူ၏ကိုယ်ပိုင် ကွန်ပျူတာဖြင့် သုံးချင်သည်ဆိုပြီး ယူချလာသည် ..။ ကျွန်တော်လည်း ၄င်းအား အင်တာနက် ချိတ်ဆက် အသုံးပြုနိုင်ရန် လိုအပ်သော configure လုပ်ပေးရန်သူ၏ ကွန်ပျူတာ အားကြည့်လိုက်ရာ ရင်ထဲ့သို့ ဆို့တက်သွားသည် ..။ ဟိုက်သေရော သောက်ရှက် ကွဲပြီထင်သည် .။ သူ၏ ကွန်ပျူတာက သာမာန် Laptop မဟုတ် အဖုံးတွင် ပန်းသီး ကြွက်ကိုက်ထားသောပုံဖြင့် MacBook pro ဖြစ်နေသည် .။ ကျောင်း၌သင်ဖူးပါသည် .. Mac OS သည် Apple computer များ၏ OS ဖြစ်ကြောင်း ..။ အနည်း ငယ် လည်းကြားဖူးနားဝတော့ရှိပါသည် ..။ သို့သော် မထိတွေ့ဖူးခဲ့ ယခုအကြိမ်သည် ပထမအကြိမ် ဖြစ်သည် ..။GUI ဖြစ်သောကြောင့် နားလည် လွယ်သော်လည်း တစ်ခါမှ အထိအတွေ့ မရှိဖူးသေးသော ကျွန်တော့် အတွက်တော့ အခက်တွေ့လှသည် ..။ တော်တော်နှင့် မရကြာတော့ ခေါင်းရှုပ်လာသည် ..။ သူ၏ ကွန်ပျူတာ အား ဆိုင်ရှိ Network အတွင်း ဆက်သွယ်နိုင်ရန်အတွက် နားလည်သူ တစ်ဦးက၀င်ရောက် ဖြေရှင်းပေးသွားသည် ..။ ထိုအချိန်မှကျွန်တော်သက်ပြင်း ချနိုင်တော့သည် ..။ ထိုနိုင်ငံခြားသား ပြန်သွား သောအခါ ကျွန်တော့် ရင်ထဲ အတွေးပေါင်း များစွာ တို့ကျန်နေခဲ့သည်။ ငါဟာကွန်ပျူတာ ကျောင်းသား တစ်ယောက် ၊ပြီးတော့ ကွန်ပျူတာဆိုတာ ကိုလေ့လာနေသူတစ်ယောက် ဖြစ်ပါလျက် ဤသို့ ဖြစ်ပျက်ရ ခြင်းကား လွန်စွာပင် ရှက်စရာ ကောင်းလှတော့သည် ..။ ကျွန်တော်သိပါသည် ..။ ဟိုစပ်စပ်ဒီစပ်စပ် ..။ Microsoft Window သာမက MS-DOS ကိုပင်လေ့လာခဲ့သေးသည် ..။ ထိုမျှနှင့် ကျွန်တော်ရောင့်ရဲ တင်းတိမ်ပြီး ကိုယ့်ကိုကိုယ်သိပြီဟုအထင်ရောက်ခဲ့မိသည် ..။ ဟောအခုလက်တွေ့ ရင်ဆိုင်ရသော အခါတွင် ထိုမျှသိရုံနှင့်မဖြစ် ..။Mac OS များအကြောင်းလည်း ကျွန်တော်စာတွေ့လေ့လာဖူးပါသည် ..။ စာထဲတွင် တော့ သိသည် ..။သို့သော်လက်တွေ့မရှိခဲ့ .. တကယ် ကွန်ယက်ချိတ်ဆက် ပေးဖို့ကျတော့ ကျွန်တော် အခက်အခဲ ကြုံရတော့သည် ။ Microsoft Window ဖြင့် သာရင်းနှီးခဲ့သော ကျွန်တော် အကယ်၍ Window အသုံး မပြုသော နေရာတွင် ကွန်ပျူတာကို ကျွန်တော် ထိခွင့်ရှိမည်မဟုတ်တော့ ..။ အဲဒီလိုတော့ ဘယ်တော့မှ အဖြစ် မခံနိုင် ..။ Professional အဆင့် ထိမဟုတ်ရင်တောင် သာမာန် User အဆင့်လောက်တော့ တတ်ထား သင့်သည် ..။ မြန်မာနိုင်ငံမှာ ကွန်ပျူတာနဲ့ အလုပ်လုပ်နေတဲ့သူ အတော်များများဟာ Window နှင့်သာ အထိ အတွေ့ များပြီး တခြား Operating System များနှင့်အနည်းငယ်ဝေးကွာနေကြသည် ..။ Window ၏ GUI သည် ကျွန်တော်တို့နှင့် ရင်းနှီးပြီးသားဖြစ်သလို တစ်ခြား ယင်းနဲ့ ဆက်နွယ်နေတဲ့ ဆော့ဝ်၀ဲ တော်တော် များများဟာလည်း ဒီမှာ ရလွယ်တာကြောင့် ၄င်းကို အသုံးများရခြင်း ဖြစ်မည်ဟု ကျွန်တော်ထင်သည် ..။ Copyright အကြောင်းတော့ ထည့်မပြောတော့ပါဘူး ..။ အားလုံးသိပြီးသား ဖြစ်နေကြပြီဖြစ်လို့ ..။ လက်ရှိ ကွန်ပျူတာ ကိုလေ့လာလိုက်စား နေသူတစ်ယောက်အနေဖြင့် Operating System တစ်ခုတည်းသာ သုံးနိုင်၍မဖြစ်ဟု ကျွန်တော်ထင်သည် .။တစ်ခြား OS များကိုလည်းတတ်သိနားလည်သင့်သည် ဟု ကျွန်တော် မြင်သည် .။ တွေးနေ၍မဖြစ်လက်တွေ့လုပ်မှဖြစ်မည် ..။ Mac OS တစ်ခုတည်းကိုသာ ရည်ညွှန်းခြင်း မဟုတ်ပါ ...။နာမည်ကြီး OS များစွာရှိပါသေးသည် ။ယင်းတို့ကိုလည်းကျွန်တော်တို့ အနည်းငယ် မျှသုံးတတ်ရန် လိုအပ် သေးသည်ဟု ကျွန်တော်ယူဆသည် ..။ Opensource OS ဖြစ်သည့် Linux အကြောင်းကိုလည်း သိထားရန် လိုအပ်ပါသည် ။ Open Source တစ်ဝက် Close Source တစ်ဝက်ဖြစ်သည့် Solaris အကြောင်း လည်းသိထားရန် လိုအပ်ပါလိမ့်မည် ..။ VAX ကွန်ပျူတာများတွင် တွေ့ရသည့် Open VMS ကိုလည်း ကျွန်တော်တို့ ကြားဖူးနားဝရှိရဦးမည် ..။ ပြောနေ၍မဖြစ် လုပ်မှဖြစ်မည် .။ တစ်ခုခုလုပ်ရမည်ဆိုသော ကျွန်တော် လုပ်စရာတစ်ခုတော့ တွေ့ပါပြီ ..။ မဟုတ်ပါ တစ်ခုမကပါ တော်တော်များများ တွေ့ပါသည် .။ လုပ်နိုင်သလောက်တော့ လုပ်မည့် ကျွန်တော်ဖြစ်သွားပြီဖြစ်သည် ..။ အစကနဦးအနေဖြင့် ကျွန်တော် Open Source OS ဖြစ်သော Linux ကိုစတင် လေ့လာရန်ဆုံးဖြတ်လိုက်သည် ..။ CD ဆိုင်သို့မသွား ကိုယ်တိုင် အပင်ပန်းခံပြီး အင်တာနက်မှ ဒေါင်းလု လုပ်ယူသည် ..။ Ubuntu ကိုစ၍ဆွဲသည် ..။6 နာရီခန့်ကြာသည် ..။ ၄င်းအား စီဒီအသွင်ပြောင်း၍ စက်ထဲတွင် အင်စတော လုပ်ရန်ပြင်ပြီးမှသေပြီ ...လက်တလော install လုပ်လို့ မဖြစ်သည့်ပြဿနာ ပေါ်လာသည် ..။ Linux သုံးကြည့်မည်ဟု စိတ်ကူးထားပြီးမှတော့အပျက်မခံနိုင် CD ဖြင့် Boot လုပ်လို့ရသည်ဆိုသည့် Knoppix Linux ဆီသို့ကျွန်တော် ဦးတည်လိုက်သည် ..။ ၄င်းအတွက်နောက်ထပ် ၆နာရီမက သောအချိန် ထပ်ပေးလိုက်ရသည် .။ နောက်ဆုံးတော့ Linux နှစ်ခု လက်ထဲရောက်လာသည် ..။ လက်တလောတော့ CD ဖြင့်သာ linux ကို စမ်းတ၀ါးဝါး လေ့လာနေရသည် ..။ စာအုပ်များလည်း ဖတ်ရဖန်များ၍ မျက်လုံးက ပုလင်းဖင်အလိုရှိသည်ဟုကျွန်တော့်ကိုပူဆာနေလေပြီ ..။သို့သော် မတတ်နိုင် လုပ်စရာရှိတာ ကိုလုပ်ရမည် ..။Knoppix ကမဆိုးလှကျွန်တော့်အတွက် အနည်းငယ် အဆင်ပြေသည် ဟုဆိုရ မည် .။ X-window ထဲတွင် ကျွန်တော်အနည်းငယ် ဟိုကြည့်ဒီကြည့် လျှောက်လုပ်ကြည့်သည် .။ terminal , Shell စသည်ဖြင့် ကျွန်တော်လိုက်ကလိသည် ..။ လုံးဝမသိခြင်းထက် အနည်းငယ်သိလာခြင်းအတွက်
ကျွန်တော် ၀မ်းသာမိသည် .။ Office ကလည်းမဆိုးလှ ။ Linux တွင် Application အတော်များများက အသင့်ပါပြီးသား ဖြစ်နေသည် .။ ၄င်းကပင် ကျွန်တော်ကြိုက်နှစ်သက်ရသည့် အဓိကအချက်ဖြစ်လာသည် ။ Software Package များ ထက်မံ ထည့်သွင်းရခြင်းကို သက်သာစေသည် ။ ထိုထက် ကောင်းတာတစ်ခုက Hardware devices တော်တော်များများကို အလိုလျောက် Configure လုပ်နိုင်ခြင်းပင်ဖြစ်သည် ။ လက်ရှိ အခြေအနေရ နည်းနည်းသိသည် ဟုပြောလို့ ရပြီဖြစ်သည် .။ ကျွန်တော်များများသိလိုပါသည် ..။ သိသော သူများ ဝေမျှကြပါဟုအသနားခံပါသည် .။ သိလိုသူများလည်း တောင်းခံနိုင်ပါသည် .။ သိသလောက်တော့ ပြောပြရန် အသင့်ရှိပါသည် .။ သို့သော် ကျွန်တော်သည် သိသာသိသည် မတတ်သေးပါ ..။ တစ်ခုတော့ လုပ်ဖြစ်ပြီ ..။ လုပ်စရာများ ကျန်နေပါသေးသဖြင့် လေရှည်ခြင်းအား ဤတွင် ရပ်နားခွင့်ပြုပါရန် ...။

2007-09-19T00:21:00.000+06:30

တစ်ခုခုလုပ် ရမည်ဆိုတာသိသည် ..။ ဘာလုပ်မည် စဉ်းစားကြည့်တော့ ကိုယ်လုပ်တတ်တာ ကိုယ်လုပ်မည် ..။ ကိုယ်ဘာ လုပ်တတ်သလဲ ? မေးကြည့်တော့ လုပ်တော့ လုပ်နေတာပဲ .. မတတ်သေးတာ အဲဒီတော့ အဖြေက ဘာမှ မလုပ်တတ်သေးပါ ..။ ဟဟ အဖြစ်က ရယ်စရာကောင်းသည် ..။ ကျောင်းသင်ခန်းစာ တွေကိုလည်း ပိုင်ပိုင်နိုင်နိုင် မရ ..။ အပြင်ဗဟုသုတ ကလည်း မပြည့်စုံ ...။ လုံးဝ ဥဿုံဗလာ နထ္တိ ..။ အရေးထဲ နှလုံးသား ကိစ္စက၀င်ရှုပ်သည် ..။တစ်ခါတစ်ရံ ဘာမှမလုပ်ပဲ ထိုင်ငိုင် တွေးတောနေမိသည် ..။ ဟိုဟာစပ်စပ် ဒီဟာစပ်စပ် လိုက်လုပ်သည် ..။ အပြင်းပြေ ကလေးများကို စာသင်သည် ...။ လူကြီးများကိုလည်း စာသင်သည် ..။ ကိုယ့်ကိုကိုယ် လည်းပြန်သင်သည် ..။ အခက်ဆုံးကတော့ ကိုယ့်ကိုကိုယ် ပြန်သင်ပေးရတာပဲ .။ စိတ်ပြေ လက်ပျောက် စာအုပ်စင်ထဲက စာအုပ်တစ်ချို့ ယူဖတ်ကြည့် မိသည် ..။ ကိုယ်နှင့်သက်ဆိုင်သော စာအုပ်များမှာ အတန်ငယ် ထူထဲနေသဖြင့် ခပ်ပါးပါးစာအုပ်များ လိုက်ရှာရင်း ဘာမဆိုင်ညာမဆိုင် ဆရာခင်မောင်သန်း၏ သိပ္ပံနည်းကျ တွေးခေါ်မှု စာအုပ်ကို ဆွဲယူကြည့်လိုက်မိသည် .။ အရေးအသားက စကားပြေဆန်ပြီး အဓိပ္ပါယ်ကို လိုရင်း တိုရှင်း ဖွင့်ဆိုပြထားသည် ..။ တစ်ချို့ နေရာတွင် အဖြစ်အပျက်လေးများဖြင့်ဖော်ကျူးထားသည် ..။ ထို အထဲ မှ ကျွန်တော် နှစ်သက်မိသော စာတစ်ပုဒ်အား ကျွန်တော့် ဘလော့ဂ်တွင် ပိုစ့်အသစ်တစ်ခု တိုးလာ စေခြင်း အလို့ငှာ ကော်ပီ & ပေ့စ်ပြန်လုပ်လိုက်ပါသည် ..။

တက္ကသိုလ်ကျောင်းသားများအငြင်းပွားလေ့ရှိသည့် ပြဿနာတစ်ခုမှာဤသို့ဖြစ်၏ ..။

"လူသားတစ်ဦးမျှ မနေသော တောအုပ်တစ်ခုတွင် သစ်ပင်တစ်ပင် လဲကျသွားသည် ။ထိုသို့လဲကျသွားမှုက အသံ ဖြစ် ပေါ်လာ စေသလော "

ဤမေးခွန်းက အဆုံးမရှိသော အငြင်းပွားမှုကို ဖြစ်ပေါ်လာစေသည် ..။ တောအုပ်ထဲတွင် သစ်ပင်ပြိုလဲသံကို ကြားမည့် လူသား တစ်ဦးမျှ မရှိသဖြင့် အသံမဖြစ်ပေါ် ဟုကျောင်းသား တစ်ဦးကပြော၏ ။ နောက်တစ်ဦးက နားထောင်သူရှိသည်ဖြစ်စေ မရှိသည်ဖြစ်စေ ၊ သစ်ပင်ပြိုလဲမှုက လေထုအတွင်း လှုပ်ရှားမှုကို ဖြစ်လာစေသည် ။ ထိုလှုပ်ရှားမှုသည် အသံလှိုင်းများ ဖြစ်သည်ဟုငြင်းဆိုသည် ..။ ဤအတိုင်းသာ အငြင်းပွားနေကြမည် ဆိုပါက အချိန်သာကုန်သွားမည် ၊ သဘောတူညီမှုကားရကြမည်မဟုတ်ပေ ။ အဘယ့်ကြောင့်ဆိုသော် ဤပြဿနာမှ အဓိက စကားလုံးဖြစ်သောအသံကို အဓိပ္ပါယ်နှစ်မျိူးနှင့် အသုံးပြုနေသောကြောင့်ဖြစ်၏ ။သစ်ပင်လဲကျသော ဤပြဿနာတွင် အသံဟူသော စကားလုံးမှာအဓိပ္ပါယ် နှစ်မျိူးပေါက်နေသည် ..။တစ်မျိူးမှာ "လေလှိုင်းများလှုပ် ရှားမှုကြောင့် လူသားတို့စိတ်အတွင်း ဖြစ်ပေါ်လာသောခံစားမှု ဖြစ်ပြီး ဒုတိယတစ်မျိူးမှာ ထိုခံစားမှုကို ဖြစ်ပေါ်စေသည့် ရုပ်ပိုင်းအခြေအနေ " တို့ဖြစ်သည် ..။ အသံဟူသော စကားလုံးကို အငြင်းပွားသူများက အဓိပ္ပါယ် နှစ်မျိူးနှင့်အသုံးပြုနေကြသည် ..။ ထို့ကြောင့်လူသားမရှိသော တောအုပ်တွင်သစ်ပင်လဲပြိုသော်လည်း အသံမရှိနိုင် ဟူသော ကျောင်းသား၏ ပြောဆိုချက်သည် မှန်ကန်သလို ၊ နားထောင်သူရှိသည်ဖြစ်စေ ၊ မရှိသည်ဖြစ်စေ အသံရှိလိမ့်မည်ဟု ငြင်းခုံသည့် ကျောင်းသား သည်လည်း မှန်ကန်သည်ဟုဆိုရပေမည် ..။ စကားလုံး များ၏ အနက်အဓိပ္ပါယ် မရှင်းလင်းမှုကြောင့် လူသားအချင်းချင်း ဆက်သွယ်ရေးတွင် ပြဿနာများ ပေါ်ပေါက်လာသည် ..။ အဓိပ္ပါယ် မရှင်းလင်းမှုသည် ဖော်ပြပါ တစ်မျိူးသာမကလေးမျိူးပင် ရှိသည် ။ စာကြောင်းများ၏ အဓိပ္ပါယ် မရှင်းလင်းမှုကြောင့်လည်း ပြဿနာ ပေါ်ပေါက်လာနိုင်သည် ..။ ဘဲတစ်ကောင် ကိုရိုက်ခဲ့ တယ်ဆိုသော စာကြောင်းသည် အဓိပ္ပါယ်နှစ်မျိူးထွက်နိုင်သည် ..။ ဘဲသတ္တ၀ါကိုရိုက်ခဲ့ခြင်း သို့မဟုတ် ယောက်ျား တစ်ယောက်ကိုရိုက်ခဲ့ခြင်း လည်းဖြစ်နိုင်သည် ။ ဘဲကိုရိုက်ခဲ့ခြင်း အတွက်ပြဿနာ မကြီးလှသော် လည်း ယောက်ျားတစ်ယောက်ကို ရိုက်ခဲ့သည်ဆိုပါက ပြဿနာတက်လာနိုင်ပေသည် .။" ခွေးသူခိုးတစ်ကောင် ကိုတွေ့ခဲ့တယ် " ဆိုသောစာကြောင်းတွင်လည်း ခိုးစားသောခွေး သို့မဟုတ် ခွေးခိုးသူတစ်ယောက် ဟူ၍ အဓိပ္ပါယ်နှစ်မျိူး ရနိုင်သည် .။ တတိယအမျိူးအစားမှာ စကားလုံးများ အပေါ် အလေးအနက်ထားမှု သို့မဟုတ် ပုဒ်ဖြတ်မှုကွဲလွဲ သည်နှင့်အမျှ အဓိပ္ပါယ်လည်းအမျိူးမျိူးထွက်လာနိုင်သည် ..။
" သူသည်မှန်ကန်သူဖြစ်သည် " ဟူသောစာကြောင်းတွင် ပုဒ်ဖြတ်သည့်စကားလုံးအပေါ် မူတည်ပြီး မှန်ကို ကန်သော သူ သို့မဟုတ် မှန်ကန်မှုရှိသူ ဟူ၍ဖြစ်လာနိုင်သည် .။ စတုတ္ထ အမျိူးအစားမှာ ပြောသော စကား၏ အရေးပါမှုဖြစ်သည် ..။ ဥပမာ - `ကျွန်တော် ဒီစာမေးပွဲကို ခိုးမချပါဘူးဆရာ ´ ဟုကျောင်းသားက ဆရာကို ပြောသည် ဆိုပါစို့ ၊ကျောင်းသားပြောဆိုချက်သည် သာမာန်ပင်ဖြစ်နိုင်သော်လည်း ဆရာက အဓိပ္ပါယ်ကောက် လွဲပြီး သံသယ ၀င်လာနိုင်သည် ။`ဒီကျောင်းသားဟာ ခိုးချနေကျလား ၊ ဒီစာမေးပွဲကျမှ ခိုးမချတော့တာလား ၊ သူ့စကားက ဘာကိုဆိုလိုတာလဲ ဟုဆရာ၏စိတ်တွင် တွေးတောမှု အမျိူးမျိူးဖြစ်လာနိုင်စေသည် ..။ အနက် အဓိပ္ပါယ် ကွဲပြားမှုကြောင့် ဆက်သွယ်ရေးတွင် ပြဿနာပေါ်ပေါက်လာရခြင်းဖြစ်ရာ ဤသို့ မပေါ်ပေါက်အောင် ကျွန်တော်တို့ ကာကွယ်မှုပြုရပေမည် ..။ အဓိကစကားလုံးကို မည်သည့်အဓိပ္ပါယ်နှင့် အသုံးပြုနေကြောင်း သိရပါက ကျွန်ုပ်တို့ အချင်းအချင်း ဆက်သွယ်မှုတွင် ပြဿနာ ပေါ်ပေါက် လာတော့မည် မဟုတ်တော့ပေ ။

2007-09-18T01:48:00.003+06:30

အချိန်က သိပ်မကြာလိုက် .. တဖြည်းဖြည်း ကျွန်တော် Programming ဆိုတာကို နားလည် သဘော ပေါက်စ ပြုလာ သည် ..။ သူငယ်ချင်း များ၏ ကူညီမှု .. ဆရာမ၏ အသင်အပြ ကောင်းမှု ကြောင့်လား မသိ ကျွန်တော် Programming ကိုစိတ်ဝင်စားလာသည် ..။Syntax တည်ဆောက်ပုံများကိုအသေးစိတ်ရှင်းပြသည် .၊ ဘယ်လို တွေးခေါ် ရမည်ဆိုတာကို ဆရာမကလမ်းညွှန်ပေးသည် ..။ ပြီးလျှင်ကိုယ်တိုင် ပုစ္ဆာများကိုဖြေရှင်း ခိုင်းသည် ..။ တစ်နေ့လျှင် ပုစ္ဆာတစ်ခုတည်းပင် ဖြေရှင်းရလင့်ကစား ထိုတစ်ပုဒ်သည် ကျွန်တော်တို့ စိတ်တွင်စွဲနင့် နေအောင် ဆရာမ၏ အရည်အချင်းက ပြည့်စုံလှသည် ..။မမေ့နိုင် ဆရာမ၏ အမည်က ဒေါ်မာမာလွင် ...။ စာသင်လျှင် ပြတ်သည် ..။အတန်းထိန်းသိမ်းမှုလွန်စွာတော်သည် ...။ဆရာမရှင်းပြသည့်အချိန်တွင် တစ်ခန်းလုံးရှိ ကျောင်းသား များ အသံစိုးစဉ်းမျှ မထွက်ရဲ ..။ တခြား ဆရာမများကဲ့သို့ ဆူပူ ကြိမ်းမောင်းခြင်း အလျဉ်းမရှိ ..။ ချိူချိူသာသာ ပြောဆိုဆုံးမသည် .။ တပည့်များအပေါ်စေတနာထားသည် ...။ ကျွန်တော်တခြားဘာသာ ရပ်များ ထက် Programming ကိုပိုပြီးစိတ်ဝင်စားခဲ့ သည်မှာ ဆရာမ၏ အသင်အပြကောင်းမှုကြောင့်ဟု ပင်ထင်သည် ကျောင်းတတ်ပြီးသိပ်မကြာ ကျွန်တော် Budget အခြေအနေမကောင်းတော့ စားရိတ်ကကြီးသည် ..။ အသွားအပြန် လမ်းစရိတ် ..။ စားသောက်စရိတ်နှင့် ၊ အခြားကုန်ကျမှုများ အတွက် ကျွန်တော်အလုပ် တစ်ခုရှာရ တော့ သည် ..။မကြာပါ Cyber cafe တစ်ခုတွင်ညဖက်အလုပ်ရသည် ..။ ကျွန်တော့်အတွက် အဆင်ပြေ သည်ဟုဆိုရမည် ..။ နကန်းတစ်လုံးမျှ နားမလည် သေးသော ကျွန်တော့် အတွက် ထိုအလုပ်က အတော် အထောက် အကူပြုခဲ့သည် .။ ကျောင်း၌ စာတွေ့လေ့လာ၍ အလုပ်၌ လက်တွေ့လေ့လာရသည် ..။ အခြေခံ သဘော တရားများကို လုပ်ဖော်ကိုင်ဖက် ဆရာသမားများက ရှင်းပြသည် .။ ကြုံလျှင်ကြုံသလို လေ့ကျင့် ပေးသည် ..။သို့ နှင့်ကျွန်တော် ကွန်ပျူတာ ဆိုသည်ကို အနည်းငယ်သိခွင့်ရခဲ့သည် ..။ လေ့လာရင်း သင်ယူရင်း နှင့် ပင် ပထမနှစ်၏ပထမနှစ်ဝက် ကုန်လွန်ခဲ့သည် ..။ ဒုတိယနှစ်ဝက်ပြန်တက်တော့ ဆရာမ ဒေါ်မာမာလွင်အား နယ်သို့ပြောင်းရွှေ့ တာဝန်ပေးလိုက်ပြီဖြစ်သည် ..။ကျောင်း၌ ဟေးလားဝါးလားလုပ်ရင်း အပျော်အပါးများစွာဖြင့် ပထမနှစ်၏ ဒုတိယနှစ်ဝက်ကို ကုန်ဆုံးခဲ့ပြန်သည် ..။ အဖတ်တင်တာဆိုလို့ သူငယ်ချင်း တွေစုပြီးဖွဲ့ ခဲ့တဲ့ မြန်မာ့အိုင်တီ လူငယ်များဟူသည့် အမည်ခံအဖွဲ့ အစည်းတစ်ခုသာကျန်သည် ..။ ဘာမှမဟုတ်အဖွဲ့ ဖွဲ့ထားပြီး ကိုယ့်အလုပ်သာ ကိုယ်လုပ်ကြသည် .။ ကျောင်းတွေပိတ်တော့ သူငယ်ချင်းတစ်ယောက်က Scholarship ဖြင့်စင်္ကာပူသို့ ပညာတော်သင် ထွက်သွားသည် ...။ ကျောင်းပိတ်သည်မှာ သိပ်မကြာလိုက် ..။ ဒီဇင်ဘာတွင် အား လုံးကျောင်းသို့ ပြန်ရောက်ကြသည် ..။ သို့ပေမယ့် တကွဲတပြားစီ ..။ စာကြိုးစားသော သူငယ်ချင်းများ အခန်း ကောင်းများသို့ ဦးတည်သွား ကြသော်လည်း စာဆိုလျှင် Programming မှတစ်ပါး စိတ်မ၀င်စား ခဲ့သည့် ကျွန်တော် မော်ဒရေးရှင်းဖြင့်ကပ် အောင်ခဲ့သည်ထင်သည် .။ နောက်မှစ၍ ရေတွက်လျှင် ဒုတိယအခန်း ကို ရောက် သွားသည် ..။ ၄င်းသည် ဒုတိယနှစ်၏အစပင်ဖြစ်သည် ..။ ပထမနှစ်မှ အဖတ်တင် ကျန်ခဲ့သည့် ကျွန်တော်တို့၏အဖွဲ့ကို ပြန်လည်အကောင် အထည်ဖော်ဖို့ ကျွန်တော်ကြိုးစားခဲ့သည် ..။ အဖွဲ့ဝင်တော်တော် များများနှင့် အလုပ်တစ်ချို့ စလုပ်ဖြစ်သည် ...။ ထိုအထဲတွင် ဘလော့ရေးခြင်း ၊ Programming နှင့်ပတ်သက် သောဆွေးနွေးပွဲများ နှင့် ကျောင်း၌အင်တာနက် အသုံး ပြုနိုင်ရေးအတွက် မည်သို့မည်ပုံလုပ်ဆောင် ကြရမည် စသော ဆွေးနွေးမှုများ ပါဝင်ခဲ့သည် ။ ပထမနှစ်လို မဟုတ်တော့ အနည်းငယ်တော့ ရင့်ကျက်လာသည် ဟုထင်သည် ..။ဟေးလားဝါးလား သိပ်မလုပ်တော့ ..။ ရည်ရွယ်ချက်ထား တတ်လာသည် ..။သို့ပေမယ့် သိပ် မကြာ ဒုတိယနှစ်၏ ပထမနှစ်ဝက် စာမေးပွဲဖြေရသည် ..။ အားလုံးစာမေးပွဲ အတွက်လုံးပမ်းကြရင်း အဖွဲ့ ကိစ္စကို တဖြည်းဖြည်း မေ့လျော့လာသည် ..။ပုံမှန်ဆွေးနွေးခြင်းများ မတက်ကြတော့ ..။သူ့အလုပ်နှင့် သူ ကိုယ့်အလုပ် နှင့်ကိုယ် ဘယ်လိုမှ စုစည်းမရတော့ ၊ ခေါင်းဆောင် တာဝန် ယူထားရသည့် ကျွန်တော်ကြာတော့ စိတ်ညစ လာ သည် ..။ ခေါင်းဆောင်တာဝန်ကို တစ်ခြားတစ်ယောက်ကို လွှဲပေးပြီးကျွန်တော် နှင့်ကျွန်တော့် သူငယ်ချင်း တစ်ယောက် အဖွဲ့မှ နှုတ်ထွက် လိုက်သည် ..။ တစ်ကိုယ်ကောင်းဆန် သည်ဟုပြောချင် ပြောကြလိမ့်မည် ..။ မတတ်နိုင် ကျွန်တော် တတ်နိုင်သမျှ လုပ်ပေးခဲ့ပြီ ။ညီညွတ်မှုမရှိသော အဖွဲ့ အစည်းတွင် ကြာရှည် ကျွန်တော် မနေလို .. ဟိုမရောက် ဒီမရောက်ဖြင့် အချိန်တွေ ကုန်သွားမှာ ကျွန်တော် စိုးရိမ်သည် ။ တစ်ယောက်တည်း ရှိလျှင် တစ်ယောက်တည်း လုပ်မည် ..။သူတစ်ပါးအား ပေးချင်လျင် ကိုယ်တိုင်ရှိမှရမည် ..။ ကိုယ့်ကိုကိုယ် အရင် ဆုံးရှိအောင် ကြိုးစားရမည်ဟု ကျွန်တော်ထင်သည် .။ တစ်ခုခုကို တော့ရွေးချယ် ရမည်ဖြစ်သည် ..။ ကျွန်တော် ဘာကိုစိတ်ဝင်စားသလဲ ဆိုတာ ကိုယ့်ကိုကိုယ် ပြန်မေးသည် ၊Programming က ကျွန်တော်နဲ့ အနီးစပ်ဆုံး ဖြစ်သည့် အပြင် ကျွန်တော်အနေဖြင့် အနားလည်ဆုံးသော ဘာသာရပ်ဖြစ်သည် ။ ၄င်းကို ကျွန်တော် ရွေးချယ် လိုက်သည် ...။ ဒုတိယနှစ်တွင် Java Programming သင်ရသည် ..။ သြော် ကျန်ခဲ့သည် .။ ဒုတိယနှစ် သင်ရိုးပြဌာန်း ချက်က

English
201 Java Programming & Data structure in C++ vol 2
202 Mathematic Computing vol 2
203 Digital fundamental
204 Operating system & Database Management System
205 Accoounting ,JavaScript
206 Software Engineering & Object-Oriented System Development

ဒါကကျွန်တော် ရွေးချယ်ခဲ့တဲ့ Computer Science မေဂျာသမား တွေအတွက် သင်ရိုးညွှန်းတမ်းပါ .။ ကျွန်တော် တို့ ကွန်ပျူတာ တက္ကသိုလ်မှာ ဒုတိယနှစ်ကစပြီးအဓိကမေဂျာနှစ်ခုရွေးချယ်လို့ရတယ် ။ Computer Science & Computer Technology ဆိုပြီးခွဲထားတဲ့ အထဲက ကျွန်တော်က Science ကိုရွေးခဲ့တယ် ..။ ဒုတိယနှစ် ကတော့ ဟိုလှည့် ဒီလှည့်နဲ့ကုန်သွားပြန်ပြီ ....။ ဒီနှစ်တော့ အဖတ်တင်တာ ဆိုလို့ ဗလာစာရွက်တစ်ချို့ နဲ့ ဘလော့နှစ်ခု သုံးခု ရယ် ကျန်ခဲ့တယ် ..။ ဒုတိယနှစ်ပြီးသည့်တိုင် ကျွန်တော့်ကိုယ် ကျွန်တော် ဘယ်နေရာမှာ ကျွမ်းကျင်တယ် ဆိုတာကိုလက်တွေ့မပြနိုင်ခဲ့ ။ အဘယ်ကြောင့်နည်း ? ကျွန်တော့်ကို ပညာသင်ပေးသော ကျောင်းကြောင့်လား ? ဆရာမတွေကြောင့်လား ? ကျွန်တော်ကိုယ်တိုင်ကြောင့်ပဲလား ? တစ်ခုမှမဟုတ်ပါ ..။ သို့ပေမယ့်အား လုံးမှန်ပါ သည် ။ ထို့အပြင် အရေးကြီးဆုံးကတော့ လက်ရှိပညာရေး စနစ် ကြောင့်ဟုသာ ကျွန်တော်ထင်ပါသည် ..။ ကျောင်းပိတ်ရက်တွေမှာ တစ်ခုခုတော့လုပ်ရမည် ။ နောက်တစ်နှစ်ဆိုလျှင် ကျွန်တော်ဘွဲ့ ရမည်ဖြစ်သည် ။ သို့သော် ထိုဘွဲ့ နှင့်ထိုက်တန်သော အရည်အချင်းမျိူး ကျွန်တော့်၌မရှိသေး ။ ထို့အတွက် ကျွန်တော် တစ်ခုခု လုပ်ရမည်ဖြစ်သည် ..။ စာဖတ်သူလည်းတစ်ခုခုလုပ်ရဦးမည်ဖြစ်သည် .။

2007-09-17T20:57:00.002+06:30

ရန်ကုန်ကွန်ပျူတာတက္ကသိုလ် ... ရန်ကုန်နဲ့မိုင် ၂၀ လောက်ဝေးတဲ့နေရာမှာ ...
ကျွန်တော် ဟိုမရောက်ဒီမရောက် အမှတ်လေးနဲ့ဟိုယောင်ယောင် ဒီယောင်ယောင်လုပ်ရင်း
ရန်ကုန်ကွန်ပျူတာတက္ကသိုလ်ကို ရောက်ခဲ့သူ ...။

အခုတော့ ဒုတိယနှစ်ဖြေထားတယ် ...။ ရည်ရွယ်ချက် သေသေချာချာ မရှိခဲ့တော့ ဘာလုပ်ရမယ် ..၊ ဘယ်လိုင်း ရွေးရမယ် မသိခဲ့ ဒီလိုနဲ့ပထမနှစ်ကိုဖြတ်သန်းခဲ့တယ် ..။ ငယ်ငယ်တုန်းက ထင်မှတ်ခဲ့တဲ့တက္ကသိုလ် ဆိုတဲ့ အကြောင်းကို ကိုယ်တိုင် တက္ကသိုလ်တက်မှပဲ သေသေချာချာ သိတော့တယ် ...။ ပထမနှစ်ကတော့ ကွန်ပျူတာ ဆိုတာကို နကန်းတစ်လုံးမှကို နားမလည်ခဲ့တာ .။ အခုလည်းသေသေချာချာမသိသေးပါဘူး .။ တစ်ခါတစ်လေ ကိုယ့်ကိုကိုယ် ကွန်ပျူတာတက္ကသိုလ် ကလို့ပြောရမှာတောင်ရှက်မိတယ် .။ အပြင်မှာ လူတွေက ကွန်ပျူတာ တက္ကသိုလ် တက်နေတဲ့သူတွေဆိုရင် အထင်တကြီးကြည့်ကြတယ် ..။ ကွန်ပျူတာနယ်ပယ်ထဲကလူတွေ က တော့ ကွန်ပျူတာကျောင်းဆင်းဆိုရင် ဘာမှသေသေချာချာ မတတ်တဲ့ကောင်တွေဆိုပြီး အထင်သေးကြတယ် တက္ကသိုလ်ကို စရောက်တော့ ကျွန်တော်က တကယ့်ကို အူကြောင်ကြောင် ကွန်ပျူတာ ဆိုတာကို ဆယ်တန်း ပြီးတဲ့ အထိ တစ်ခါလားပဲ ကိုင်ဖူးတယ် ..။ ကိုင်တယ်ဆိုတာ လက်နဲ့ထိတယ် ဆိုရုံလောက်ကို ပြောတာပါ ..။အဲ ..ကျောင်းစရောက်တော့ စာသင်ခန်းထဲ ၀င်ထိုင်ပြီး ဗလာစာအုပ်ထုတ် ဆရာမပေးတဲ့ သင်ခန်းစာတွေ မှတ်မယ် ပေါ့ .သို့ပေမယ့်ရှေ့ ကနေဖတ်ပြသွားတဲ့ ဆရာမရဲ့စာတွေ ရှင်းသွားတဲ့ဆရာမစကားတွေ တစ်ခုမှ ကျွန်တော် နားမလည်ခဲ့ ..။ အရင်ဆုံးသင်လိုက်ရတာက ICS (Introduction to Computer Science) နောက်တစ်နေ့မှာ လက်တွေ့ခန်းဝင်ဖို့ ကျွန်တော်တို့အခန်းအလှည့်ကျတယ် .. သူများတွေ က၀င်ဆိုတော့လည်း ကျွန်တော်က လိုက်ဝင် တာပေါ့ .Roll Call ပေးပြီးတစ်ချိူ့ ကပြန်ထွက်သွားကြတယ် ..။ကျွန်တော်ကတော့ ဒီနေ့တော့ ကွန်ပျူတာ ကိုင်ရတော့မယ်ဆိုပြီး ပျော်နေခဲ့တာ ..။အဲဒါပေမယ့် တကယ့် စက်ခန်းထဲ ရောက်မှ ပြဿနာ စတက် တော့တာပဲ .။ ထင်ထားတာက ဆရာတွေက အစအဆုံးသင်ပြပေးမယ်ပေါ့ ..။သို့ပေမယ့် စက်တစ်လုံး ရှေ့မှာထိုင်ပြီး ဘယ်က ဘာစလုပ်မယ် ဆိုတာ တောင်မသိ ..ကွန်ပျူတာ ကို ပါဝါဘယ်လို ဖွင့်ရတယ် ဆိုတာ မသိလို့ ၀မ်းနည်းစွာနဲ့ပဲ ပထမဆုံးလက်တွေ့ အချိန်ကို ကျွန်တော် ကျောခိုင်းထွက်ခွာခဲ့ရတယ် ..။ ရှက်ဖွယ် လိလိပင် ။ နောက်တစ်နေ့ ဖတ်စာအုပ်တွေဝယ်ဖို့ EC ကငွေလိုက်ကောက်တယ် ..။ ကိုယ်ဝယ်ရမယ့် စာအုပ် စာရင်း နဲ့ ကုန်ကျငွေကို ကြည့်ပြီး ကျွန်တော်မျက်လုံးပြူးသွားတယ် ..။အောင်မလေး ...

မြန်မာစာ
Technical English
College Phyiscs
101 ICS(Introduction to Computer Science) & Data Structure in C++
102 Mathametic computing
103 Application & System analysis and Design
104 Object-Oriented Programming in C++

မွေးမေလေ့ စာအုပ်ဖိုးကစုစုပေါင်းနှစ်သောင်းကျော်

မဖြစ်အကုန် ၀ယ်လို့မဖြစ် အိမ်ကအဲဒီလောက် Support လုပ်ထားတာမဟုတ် .. နေစဉ့် အသွားအပြန် ကျောင်းစရိတ် စားစရိတ် စုစုပေါင်းလက်ကျန်က နှစ်သောင်းခွဲဝန်းကျင် စာအုပ်အကုန်ဝယ်လိုက်လျင် တစ်လ လုံး မစားမသောက် အငတ်နေရမည် ။ ကျောင်းသို့ ခြေကျင်လာမှရမည် ..။သို့နှင့်တစ်လလျှင် စာအုပ်ဖိုး ရှစ်ထောင်ခန့်သုံးဖို့ ကျွန်တော်ဆုံး ဖြတ်ခဲ့ရသည် ..။ ကျွန်တော် ကွန်ပျူတာ ဆိုတာ ဘာလဲ တဖြည်းဖြည်း သိလာတယ် ..။ ကိုယ်တိုင်ကွန်ပျူတာ တက္ကသိုလ်တတ်ပြီး ကွန်ပျူတာဆိုတာ ဘာလဲ မသိလို့မဖြစ် သိအောင်
တော့လုပ်ထားရမည် ..။ ဘေးနားက သူငယ်ချင်းတွေ ဆီက ကွန်ပျူတာ အကြောင်း တစ်စွန်းတစ်စ ကြားမိသမျှ မှတ်သား .ဆရာပြောတဲ့ CPU,Memory စတာတွေ စာအုပ်တွေလှန်လှော ရှာဖွေတွေ့ သမျှ ကိုယ်ဘာသာ ပြန်လို့ နားလည်သမျှလေးတွေ စုစည်းပြီး ကျွန်တော် ကွန်ပျူတာဆိုတာ ဘာလဲနည်းနည်း သိလာတယ် ..။ စိတ်ဝင်စား သေးသည်မဟုတ် အနည်းငယ်သိလာခြင်းသာ ..။ ကျွန်တော် ကွန်ပျူတာကို စတင်စိတ်ဝင်စား မိတဲ့နေ့ တစ်နေ့ပေါ့ ..။ သေသည်အထိ မေ့နိုင်မည်မဟုတ် ..။ ကျောင်းသို့အတော် နောက်ကျမှ ကျွန်တော် ရောက်သွားတယ် ..။စတုတ္ထနေ့ ဆရာမက စာစသင်နေပြီဖြစ်သည် ..။ ကျောင်းအပ်တော်တော် နောက်ကျ သည့် အတွက် စာတွေကိုကျွန်တော်တော်တော်လိုက်ယူနေရသည် ...။ထိုအချိန်က 104 အချိ်န်ဖြစ်သည် ..။
ဆရာမက မျက်နှာထား တည်တည် ဖြင့်စာရှင်းနေသည် ..။ တစ်ခန်းလုံးကလည်း အပ်ကျသံ ပင်ကြားရ လောက်အောင် တိတ်ဆိတ်နေသည် ..။ အခန်းဝသို့ရောက်ရောက်ချင်း ကျွန်တော်အနည်းငယ် တွန့်သွားသည် ရာသီဥတုမကောင်းဟုကျွန်တော်ထင်လိုက်မိသည် ..။ဆရာမကိုခွင့် တောင်းပြီး အတန်းထဲသို့ဝင်ပြီး ထိုင်နေကျ နောက်ဆုံး အတန်းသို့ သွားထိုင်လိုက်သည် ..။ သေရာ .သူငယ်ချင်း တစ်ကောင်မှမရှိ အားလုံးအရှေ့ အတန်း တွေမှာ သွားကပ်ထိုင်ကြသည် ..။ ကျွန်တော် တစ်ယောက်တည်း ..။ ဖတ်စာအုပ်က မ၀ယ်ရသေး .. တစ်ခါမှ လည်း မသင်ဖူး တစ်ချို့ ကစာအတော်ရောက်နေကြပြီ ..။ မထူးပြီ ကျွန်တော်လည်းရှေ့ က သူငယ်ချင်း ထံသို့ သွားကပ် ထိုင်ပြီးဆရာမပြောတာ တွေနားထောင်နေလိုက်သည် ..။ မသိ တစ်လုံးမျှမသိပေ .။ header file , main function ,variable ဘာတွေမှန်းမသိ .. ဆရာမကရှင်းပြပြီးတော့ အတန်းသားတွေကို ရေးခိုင်းသည် ..။
အားလုံးက ခေါင်းငုံ့ပြီး စာစရေးကြပြီဖြစ်သည် ..။ ကျွန်တော်ကတော့ အူကြောင်ကြောင် ဘာရေးရမှန်းမသိ .ဟိုလူ့ကြည့်ဒီလူ့ကြည့်နှင့် ဆရာမကရိပ်မိသွား သည်ထင်သည် ..။ ကျွန်တော့်အနား ရောက်လာပြီး ကျွန်တော့် စာအုပ်ကိုယူကြည့်သည် ..။ဒုက္ခတစ်လုံးမျှမစရသေး ..။“မင်းဒီအတိုင်းဆက်သွားရင်တော့ မလွယ်ဘူးတဲ့ " ဟုတ်သည် ။ ကျွန်တော်ကိုယ်တိုင် မလွယ်မှန်းသိသည် ..။ မသိတာကို မသိသည့်အတိုင်းထား လျှင် ဘယ်တော့ မှသိလာမည်မဟုတ် ..။ သိအောင်လုပ်ရမည် .။ အတန်းဖော်သူငယ်ချင်း များကကူညီကြပါသည် .။ နားမလည် သည် များကိုသူတို့ က၀ိုင်ဝန်းရှင်းပြကြသည် ..။ သြော်မေ့နေသည် ..။ ပထမနှစ်ကကျွန်တော်က Class A အတော်ဆုံးအခန်းဟု အားလုံးက သတ်မှတ်ထားကြသည် ..။ ကျွန်တော်ကတော့ ကိုယ့်ကိုကိုယ်အညံ့ဆုံး ဖြစ်နေသည်ကို သိလျက်နဲ့အတော်ဆုံး အခန်းနေရသည်ကိုရှက်နေမိသည် ..။

လက်ညောင်းပြီဖြစ်သောကြောင့် ဆက်ရန်.....

ကျွန်တော့်ရင်တွင်းဖြစ် (၁၀)

2007-07-29T15:25:00.001+06:30

"End of the Day"

တစ်ချိန်ကငါဟာနေတစ်စင်း
မင်းဟာငါ့လမင်းပေါ့ ... .။

နေမင်းရဲ့ကာရန်နဲ့ အပြင်းစားငါ့ရင်ခုန်သံတွေ
မင်းအတွက်ဆူညံစေခဲ့တယ် ...။

တစ်ချိန်ကငါဟာပုစ္ဆာတစ်ပုဒ်
မင်းဟာငါ့ရဲ့အဖြေတစ်ခုပေါ့ ....။

ရှုပ်ထွေးလှတဲ့ကိန်းဂဏန်းတွေနဲ့ မင်းမသိခဲ့တဲ့ငါ့သီအိုရီတွေ
မင်းအတွက် စိတ်ပျက်စေခဲ့မယ် ...။

အခုငါသိလိုက်ပြီ ...။
ကာရန်တွေကကဗျာမဟုတ်ခဲ့မှန်း
ငါရင်ခုန်ခဲ့ခြင်းဟာငါ့ကိုယ်ငါ ပူလောင်စေဖို့
ရှင်းထုတ်လို့မရတဲ့ ပုစ္ဆာမှာ အချစ်ဆိုတာ ကိန်းသေတန်ဖိုးတစ်ခု

မညီမျှခြင်းတွေကိုကြိုးစားဖြေရှင်းရင်း
နောက်ဆုံးတော့
ငါမျှော်လင့်ခဲ့တဲ့လေပြေဟာအိမ်မက်တစ်ခုအဖြစ်ပျောက်ကွယ်သွားသလို ...
ငါပျော်ရွှင်ခဲ့တဲ့ အိမ်မက်တွေလည်းလေပြေနဲ့အတူလွင့်ပြယ်သွားခဲ့တယ် ...။

ဘယ်သူမှနားမလည်နိုင်တဲ့စကားလုံးတစ်ချို့ကို ကောင်းကင်ပြာကြီးကိုပြောပြလိုက်တယ် ...။
ပင်လယ်ပြင်ကြီးကငါ့စကားလုံးတွေကိုလှောင်သလိုပြုံးပြီးကြည့်နေတယ် ...။

အားလုံးကိုလစ်လျူရှုပြီး တောင်တန်းတွေနောက်ကိုငါပြေးဝင်ခဲ့တယ် ...။
ဒါကိုနေ၀င်ချိန်လို့လူတွေကပြောကြတယ် .။
တစ်ချို့ ကလည်းဆည်းဆာလို့ဆိုကြပြန်တယ် ..။
မနက်ဖြန်ကိုရင်ဆိုင်ဖို့ ငါ့ကိုခဏလောက်တော့အိပ်စက်ခွင့်ပြုပါ ..။

ကျွန်တော့်ရင်တွင်းဖြစ် (၉)

2007-07-29T02:09:00.001+06:30

FOR HER

မျှော်လင့်ခြင်းတစ်ခုပျက်သုန်းတဲ့အခါ ....
အကြိမ်ကြိမ်ရှုံးနိမ့်ခဲ့သူမှန်း အခုမှသိတော့တယ် ..။

အဆိပ်အတောက်ဖြစ်သွားတဲ့ ငါ့ချစ်ခြင်းတွေ
အမှိုက်တစဖြစ်ခဲ့လို့မီးရှို့ ခံရတာပဲ ...။

အကြိမ်ကြိမ်လဲပြိုခဲ့တဲ့ ငါ့အိမ်မက်တွေကို
အကြိမ်ကြိမ်ပြန်တည်ဆောက်ဖို့ ငါကြိုးစားခဲ့ဖူးတာပဲ ...။

နောက်ဆုံးတော့လည်းနှုတ်ဆက်ခြင်းသာအဖတ်တင်ခဲ့တယ် ..။
ဝမ်းမနည်းတော့ပါဘူး ။
တစ်စစီဖြစ်နေတဲ့ငါ့နှလုံးသား မကြာခင်သေဆုံးရမယ်ဆိုတာ
ငါသိနှင့်ပြီးသားပါ ..။

မျက်ရည်တွေမလိုချင်ပါဘူး ..။ အပြုံးတွေဝေနေတာကိုပဲမြင်ချင်တယ် ...။

နောက်လှည့်မကြည့်ပါနဲ့ ..။
နားမလည်နိုင်တဲ့ဘာသာစကားတစ်ချို့ကို ကြားနေပေမယ့်မင်းသိမှာမဟုတ်ပါဘူး ..။

မင်းယုံကြည်တဲ့အမှန်တရားအတွက်
ထပ်တူမညီခဲ့တဲ့ချစ်ခြင်းတွေအတွက်
မင်းရွေးချယ်တဲ့လမ်းက မင်းအတွက်အမှန်ဆုံးဖြစ်ပါလိမ့်မယ် ...။

ကျွန်တော့်ရင်တွင်းဖြစ်(၈)

2007-07-27T01:37:00.001+06:30

"Lesson of Love"

ငါယုံကြည်ချက်တွေဘယ်ဆီရောက်သွားလဲ ?
မျှော်လင့်ချက်တွေေ၀၀ါးသွားတယ်
ပြန်မလာပါနဲ့
ငါမမျှော်လင့်တော့ဘူး
မျှော်လင့်ချက်မနက်ဖြန်တွေအားလုံးငါ့အတွက်မရှိတော့ဘူး
ပေးဆပ်ခဲ့သမျှအားလုံးရှုံးသွားတယ်ကွာ
ငါ့အိမ်မက်မနက်ဖြန်တွေအားလုံးမင်းဖျက်စီးပစ်လိုက်တယ်
စကားလုံးတွေနဲ့ပါ ။.....။

အပြုံးမပါတဲ့နှုတ်ဆက်ခြင်းမျိူးနဲ့
သူနဲ့အဝေးဆုံးကိုငါပြေးထွက်ခဲ့တယ်
ယောက်ျားတစ်ယောက်ရဲ့မာနကိုနင်းခြေနိုင်ခဲ့တဲ့မင်း အောင်နိုင်သူတစ်ယောက်ရဲ့အပြုံးမျိူးနဲ့ဂုဏ်ယူနေလိုက်စမ်းပါ
ငါ့အပေါ်မယုံကြည်ခဲ့တဲ့မင်းအပေါ်
ထားခဲ့မိတဲ့ငါ့ရဲ့သစ္စာတရားတွေကို မီးရှို့ လိုက်ပြီ
ကျိုးပဲ့သွားတဲ့အိမ်မက်အပိုင်းအစတွေကို
ဘယ်တော့မှပြန်ဆက်တော့ဘူး သင်ခန်းစာတစ်ခုအဖြစ်နဲ့အမြဲအမှတ်ရနေအောင်ဘောင်ခတ်ပြီးဧည့်ခန်းနံရံမှာချိတ်ထားမယ်။

ကျွန်တော့်ရင်တွင်းဖြစ်(၇)

2007-07-22T14:19:00.001+06:30

"Sometime"

တစ်ခါတစ်ရံ၌
အေးမြခြင်းအားလိုချင်မိသည် ...။
တစ်ခါတစ်ရံ၌
ပူလောင်ခြင်းအားနှစ်သက်မိသည် ...။
တစ်ခါတစ်ရံ၌
နွေးထွေးခြင်းအားတောင့်တမိသည် ...။
တစ်ခါတစ်ရံ၌
ငိုကြွေးခြင်းအားအမှတ်ရမိသည် ...။
တစ်ခါတစ်ရံ၌
ပြည့်စုံခြင်းအားလိုလားမိသည် ...။
တစ်ခါတစ်ရံ၌
အိမ်မက်ခြင်းအားလက်တွေ့ဖြစ်ချင်မိသည် ...။
တစ်ခါတစ်ရံ၌
စိတ်ကူးယဉ်မှုအား အမှန်တကယ်ထင်မှတ်လိုသည် ...။
တစ်ခါတစ်ရံ၌
မျှော်လင့်ခြင်းအား ဘ၀တစ်ခုအဖြစ်မြင်ယောင်မိသည် ...။
တစ်ခါတစ်ရံ၌
လရောင်အားမြတ်နိုးမိသော်လည်း ဆည်းဆာချိန်အားနှမြောတသဖြစ်မိသည်...။
တစ်ခါတစ်ရံ၌
နေမင်းအားမြင်တွေ့လိုသော်လည်း အာရုံဦးအားရင်ဆိုင်ရန်ကြောက်ရွံ့ နေမိပြန်သည် ...။

ကျွန်တော့်ရင်တွင်းဖြစ်(၆)

2007-07-21T00:44:00.001+06:30

Space of Mind

ရင်ခုန်သံများအား
သံစဉ်မဲ့သောသီချင်းတစ်ပုဒ်အဖြစ်ဆိုညဉ်းနေရင်း

အတွေးတို့အား
ကာရံမဲ့သောကဗျာတစ်ပုဒ်အဖြစ်စီးဆင်းနေရင်း

အိမ်မက်တို့အား
ကာလာမဲ့ပန်းချီကားတစ်ချပ်အဖြစ်ပုံဖေါ်ကြည့်ရင်း
လေဟာနယ်ထဲမှာ
ကျွန်တော်လမ်းလျှောက်သင်နေခိုက်
နှလုံသားကိုအမှတ်တမဲ့ဝင်တိုက်သွားတယ်

ကောင်မလေးရယ်
မင်းကတော့အမှတ်မထင်ပါ
ဒါပေမယ့် စွဲကျန်ရစ်သူရင်ခွင်ကို မင်းမြင်နိုင်ပါ့မလား

ငါဆိုညဉ်းနေတဲ့သီချင်းတွေကိုရော
မင်းကြားနိုင်ပါ့မလား
ငါ့အတွေးထဲကကဗျာတွေကိုရော
မင်းခံစားတတ်ပါ့မလား
ငါရေးထားတဲ့ ပန်းချီးကားတွေကိုရော
မင်းတန်ဖိုးထားပါ့မလား

အကြိမ်ကြိမ်ပြန်ထဖို့ကြိုးစားခဲ့ပေမယ့်
ငါအခုအချိန်ထိလဲကျနေတုန်းပဲ

ကျွန်တော့်ရင်တွင်းဖြစ်(၅)

2007-07-19T15:23:00.001+06:30

"Although"

ချစ်တတ်ပါသည်
သို့သော်
အရှုံးပေးခြင်းမျိူးမဟုတ်ပါ ။

လွမ်းတတ်ပါသည် ။
သို့သော်
ဆွေးမြေ့ခြင်းမျိူးမဟုတ်ပါ ။

ငိုတတ်ပါသည်
သို့သော်
မျက်ရည်ကျခြင်းမျိူးမဟုတ်ပါ ။

မျှော်လင့်တတ်ပါသည် ။
သို့သော်
ပိုင်ဆိုင်လိုခြင်းမျိူးမဟုတ်ပါ ။

ကျွန်တော့်ရင်တွင်းဖြစ်(၄)

2007-07-16T01:11:00.001+06:30

" ကျွန်တော့်၏ ဆည်းဆာ (သို့မဟုတ်) သူမ၏ အာရုံဦး "

သူမ မသိပါ ....
ကျွန်တော်သူ့ကိုဘယ်လောက်ချစ်သည်ဆိုတာကို
သူမ သိသည်မှာ
သူကျွန်တော့်ကိုဘယ်လောက်ချစ်သည်ဆိုတာ

သူမ မသိပါ....
ကျွန်တော်သူ့အပေါ်ဘယ်လောက်ထိနားလည်ပေးခဲ့တယ်ဆိုတာကို
သူမ သိသည်မှာ
သူကျွန်တော့်အပေါ်ဘယ်လောက်ထိနားလည်ခဲ့တယ်ဆိုတာ

သူမ မသိပါ ......
သူမနှင့်ပတ်သက်သည့်ကျွန်တော့်အိမ်မက်များအကြောင်း
သူမ သိသည်မှာ
ကျွန်တော်နှင့်ပတ်သက်သည့်သူမ၏အိမ်မက်များအကြောင်းသာ....

တစ်ချိန်ကကျွန်တော်သည်လည်းထိုနည်းတူစွာမသိခဲ့ပါ ....

မသိခဲ့ခြင်းများစွာဖြင့်ကျွန်တော်တို့နှစ်ဦးသည်
လက်ချင်းချိ်တ် ကျောချင်းကပ်ကာ
နာရီပေါင်းများစွာရပ်တည်ခဲ့ဖူးသည် ။

သို့အတွက်ကြောင့်
ကျွန်တော့်၏ဆည်းဆာသည် သူမ၏အာရုဏ်ဦး....
ကျွန်တော့်၏အာရုဏ်ဦးသည် သူမဆည်းဆာဖြစ်ခဲ့ရလေသည်။

ကျွန်တော့်ရင်တွင်းဖြစ်(၃)

2007-07-14T19:53:00.003+06:30

မသိခဲ့ခြင်း

လုံးဝမထင်မှတ်ခဲ့ပါ ......။
အရာရာကိုလက်မြှောက်အရှုံးပေးခဲ့ရလိမ့်မယ်လို့ ....။
အကြိမ်ကြိမ်ဆုတောင်းခဲ့မိတာက
ဒါတွေအားလုံးအိမ်မက်တစ်ခုဖြစ်ပါစေလို့ .....။
ငါမသိချင်ယောင်ဆောင်ခဲ့တဲ့
မင်းရဲ့ငိုရှိုက်သံတွေရဲ့အကြောင်း
ပဲ့တင်ပြန်လာတဲ့ ငါပြောခဲ့တဲ့ငါ့စကားလုံးတွေ
အခုငါပြန်ကြားနေတယ် ....။
တကယ်တော့
ငါပစ်လိုက်တဲ့ မြှားက
ငါ့ရင်ဝကိုပြန်ပြီးစူးနစ်ဝင်ရောက်နေမှန်း
ငါအရင်ကငုံ့မကြည့်ခဲ့မိဘူး ....။

ကျွန်တော့်ရင်တွင်းဖြစ်(၂)

2007-07-08T01:19:00.001+06:30

Unless .......... If...................

ငါမျှော်လင့်ထားခဲ့သော
ငါ့အိမ်မက်များအား
ငါဆွတ်ယူစားသုံးခွင့်မရှိတော့တဲ့အခါ ....။
ငါယုံကြည်ထားခဲ့သော
ငါ့အနာဂတ်များအား
ငါမပိုင်ဆိုင်နိုင်တော့မှန်းသိလိုက်တဲ့အခါ ...။
ငါလိုချင်ခဲ့မိသော
ငါ့ချစ်သူ၏အနမ်းများအား
ငါမရရှိနိုင်တော့မှန်းသိလိုက်တဲ့အခါ ..။

အကယ်၍
ထိုသူသည်ငါမဟုတ်
.............. သင်သာဆိုလျှင် ..............

ကျွန်တော့်ရင်တွင်းဖြစ်(၁)

2007-07-01T03:16:00.001+06:30

Untitle

ကျွန်တော့်ဆီမှာ သူ့အတွက် သူမမြင်နိုင်တဲ့
ကျွန်တော့်ရဲ့ချစ်ခြင်းမေတ္တာတွေရှိတယ် ။

ကျွန်တော်ဆီမှာ သူ့ အတွက် သူမမြင်နိုင်တဲ့
ခွင့်လွှတ်နားလည်ခြင်းတွေရှိတယ် ။

ကျွန်တော်ဆီမှာ သူ့အတွက် သူမမြင်နိုင်တဲ့ ......

ခံစားချက်တစ်ချို့ ကို
ဒိုင်ယာရီစာမျက်နှာတွေအဖြစ်ဖန်တီးခဲ့ဖူးတယ် .....။
ဝမ်းနည်းခြင်းမှတ်တမ်းများကို
မျက်ရည် အဖြစ်နဲ့ရွာချစေခဲ့ဖူးတယ် ......။
သတိရခြင်းတစ်ချို့ ကို
မျှော်လင့်ခြင်းများဖြင့် ဖြေသိမ့်ခဲ့ဖူးတယ် .......။
ကြင်နာယုယလိုမှုတွေကိုလည်း
မျိူသိပ်ခြင်းအဖြစ်ပြောင်းလဲခဲ့ရတယ် ........။

ဒါတွေဟာစိတ်ပျက်အားငယ်စရာတော့မဟုတ်ပါဘူး .....။
မျှော်လင့်နေဆဲပါ ......။
ကျွန်တော်ယုံကြည်ထားတဲ့
အိမ်မက်တစ်ခုတကယ်လက်တွေ့ဖြစ်လာလိမ့်မယ်လို့ ......။
နှစ်ဦးသားရင်ထဲက
နားလည်မှုတွေ မျှခြေတစ်ခုခုကိုရောက်လာတဲ့အခါဆိုရင်ပေါ့.....။
အိမ်မက်ဆိုတဲ့အရာတစ်ခုကို
...........အကောင်အထည်ဖော်ဖို့ကြိုးစားတဲ့အခါ ..........
အရာရာကိုယုံကြည်ထားဖို့လိုအပ်တယ် .....။